Mariano

Jakes Ahamendaburu

 Dohakaitz hiri buhame

 jan zahar

 teila hutsean bizi haizen

 menturaren buhame

 Biderdi beti heldu haiz

 dingon dangon, hapa-hapa

 atez ate

 ausikiz ausiki

 harri eta makil

 oihutik oihura

 eta oihua nunbait

 beti oihuago

 Hegaz hoala iduri duk

 usu bide nabarrez

 hire ezin egonean

 menturaren buhame

 eta trapu busti bati bezala

 idortu nahiak harabil

 betirako idorki bizitzera

 behartua, lagundua

 Sortu hintzen buhame

 eta negu beltz hartan

 arroila barnaren ixilean

 hutsaren altzoan

 pausatu hintzen buhame

 ez zakur, ez asun

 buhame baizik

 eta herrian nehork ez zuen

 ala ez nahi

 hauteman hire azken oihua

 eta neu, egaxu tristea

 negu beltz hartan

 itzal itzaletik

 beleen ahakaz ase

 nigar egin nuen

 hiretzat bakarrik

 nigar egin, nuen

 Mariano

 menturaren buhame

 haizearen seme

 gau erori oroen ume

 Mariano.