inprimatu
Itzulbidea
Izenburua:
Itzulbidea
Sinadura:
Amaia Iturbide
Urkizaren iruzkina:
Egilea(k):
Iturbide, Amaia

Argitalpena:
Maiatz.
Urtea:
1989
Argitalpenaren urtea:
Alea:
17.zk.
Orrialdea:
23

Itzulbidea

 

Amaia Iturbide

 

 Barne-paisaiaren mintzoari begira

 maisu on bati bezala

 eskuak

 -gogoetaren goruak-

 biltzen ditut

 eta haurtzaroko zoriona elurretan izkutaturik

 zetazkoa dirudien atea zabaltzean

 harri bigunezko zidorretik

 ibiltzen hasten naiz

 adinbako iraganbideetan

 aurkitzeraino

 apaindura apaleko aldare bat

 urre zaharreko altxorra

 non oinetan

 larrosatxo-sorta bat daukan

 garbia

 ihintzez enlutatua

 barnerantz behatzen duen begiaren modura

 partituraz bestaldeko soinu meheetan

 hegaberen itzal bizietatik gora eklipsatzen

 soslaitu arte

 kristalezko arkitekturaren behatzetan

 argi bat

 ttikia baina argia

 bakoitzak daraman gau zuriaren

 islada errebelatua

 bakoitzaren zeru artisaua

 


inprimatu