18 zenbakiko hila
Mamud Darwich
behin bazen olibera orlegi bat
orlegia zen, eta zeruak
oihan urdinaren antza zeukan, o maitea
nork du gaur hau aldatu?
bidearen bihurrean
langileen autobusa gelditu dute,
lasai ziren
sortaldera itzularazi gaituzte, lasai ziren
behin bazen, ene bihotza
txori urdinaren gisara, o amodioaren kabi!
zure mokanesak nituen, zuri-zuriak, o maitea
nork zikindu ote ditu gaurkoan
ez dut deusik ulertzen, o maitea
bide erdian
langileen behikuloa arrestatu dute
sartaldera itzularazi gaituzte, eta lasai ziren
nerea den oro zurea da
itzala dizut ematen, argia
ezkont erraztuna, nahi duzun guzia
olibera eta piko baratze ttikia
beste gauetan bezala aurkituko zaitut
leihotik sartuko naiz, ametsetan
jasmin sorta bat ekarriko dizut
ez zaitela mutur egon
detenitu naute
olibera beti berdea zen, olibera orlegia
o maitea, berrogeita hamar bitimek
eguzki sartzean, urmael gorriz aldatu dute
berrogeita hamar bitima
o maitea, ez zaitela mutur egon
hil naute, hil, hil
hil