Erromantikoaren arratsak

Jon Arzalluz

 Nahi luke edan, edan, edan

 nahi luke...

 lituzke moskortu, moskortu

 bihotzeko penak,

 itsasoko ur gaziak oro

 irentsi, irentsi, irentsi

 eta bere begi bietatik ixuri, ixuri

 tantarik-tanta

 malkorik malko

 eta joan urrun joan, joan

 izar bat biztu han

 eta hari begira bizi

 huts-hutsik

 bakar-bakarrik,

 harentzako bizi ta bizi

 Hitz bat musu bat

 bi musu...

 bi musurekin, hil

 t'halere maitatzen segi, segi ta segi

 heriotzari agur egin parean

 ta nahi badio heldu zamarratik

 ostikada bat eman

 eta segi.