Esperantza
Jean Louis Davant
Berant, oso berant
Omiasainduz omen
lilitzen ohi da
samartilorea
zoriona eskainiz
erdizka.
Neguan ere lora ditaike
izotzen azpitik
uharren artetik
ipar izar umila
minbera bezain uxterra.
Udaberrian iranja lili da
hazkabarren jostagailu.
Udan berriz eguzki lore
urrez betea
azkorrien ispilu
baina ņimiņoa
orroit lili mikroskopikoa
fedearen soak pizten duen pindarņoa.
Xixtak ugari ditu
margoak urri eta gordeak.
Elorri xuria
arantza lorea
asun lilia
biper samina
zu zaitut maitena
esperantza!
