Kontestatzen dut
Ibrahima Sall
Eta zuen erlijio eta zuen zibilizazioa
zuen hezkuntza eta zuen ideologiak
kontestatzen ditut.
Hausten dizkidazue zuen marxismo-leninismoa-
kin
zuen dotrina sakrosainduekin pentsatzea debeka-
tzen didazue,
kapitalo-zozio-ekonomiko-komunistak-burgesak
aski dut zuen negritudaz
zuritudaz
horitudaz
gorritudaz!
Paradisutik haizatu zaituztete
sokorri bidea ezpainen argi elkorretan bilatzen
duzue
pizti helduak, endelgua aberei ebasten duzuena,
altxatzen zarete protximoaren gorputz gainean
kanporatu zaituzten ortzea ber lortzearren.
Zuen ulermena gorrotatzen dut
hastiro zuen politika
tolerentziaz zimurtu zuen azal zaharra iraintzen,
hilgo dut zuen ezpainek markatzen duten irria
zuen aurrean zutituz gazteriak ahoa irekitzen
duenekoa.
Nere lekua ardietsi nahi dut eguzkipean,
agente imobilarioen balio lainorik gabe,
jainkoratu nahi dut itzuli-mitzulirik gabe,
erlijioa beren sineste makalen arabera
kudeatzen eta apailatzen duten
fedez zizkolatsu diren gide horien presarik gabe.
Preseski aipa dezagun
Edenari kopiatu eta konforme zertifikatu
zibilizazio urgulutsua,
menderen mendetan
makilatu duzu, seduzitu, abandonatu
zure pentsamendu zikoitzen mihise dorpeetan
hiltzat jorik.
Mahometano hil kristau fedegabea!
Krixtau hil Mahometano infidela!
jesus Mahomet baino lehen etorri da.
Zuri, botza altxa ezazu!
beltz, besoa harma ezazu!
jainkoak nahi ukan du zuriek larru zuria eduki
zezaten
eta beltzek larru beltza.
Larru gorri edo zuri batendako espantuetaz ez dut
axolarik,
larru zuri edo beltza zauritua ikustea berdin zait,
infernuko hersturen kontrakorik ez da.
Seguraski, Ndiagaren itxuran, larru batetaz amets
degit
izpiritu garbiak janzten duen larru ezin hunkiaz,
zer ez zenezake obra humanidade hobeago bat-
entzat?
hilherrien atari ezezagunetan
lurraren azal pobrean
bakarrik soineratzen uzten duzu.