Musika
Jean Luc Dey
Bataren musika bestearena da
maita ezazu
bila ezazu
entzun ezazu
jasta ezazu.
lehen gizaren oroimenean kurutzatzen diren zeruko bela
urdintsuetan aurkitzen da,
sumendien ur errekarien mila ibaien artean, izar galdua
zartatzen delarik hor dago,
udazkeneko lur ketsua ezkontzen duen euri
sutsuan aurkitzen da,
haritz ahulduek haize indiskretoei beren jakitatearen
sekretua derasatelarik hor dago,
ondartzetan, ibai ertzetan, uhain lotsagabeen pizu pean
orroaz dabiltzan arkaitzetan aurkitzen da,
bai, hemen, hor, han da,
ortzaizean, urrun, eta zoriontzu nago,
ikusgarriaren atzean gordea da, eta harmonikoki,
unibertsoaren musika, nitan ixurtzen da, nigan,
gugan, gutan,
bizitzen ditugun gorputz hondogabeen
labirintoetan.