Ez zait gustatzen
Angela Duval
Ez zait gustatzen nere herriko gazteria
hirira ihes joaten ikustea,
trufatzen zaion tiranoari
bere indarra eta libertatea saltzeko.
Ez zait gustatzen; nere herriko zaharrak,
hirietako hiltegi antzuetan beren neke galduaz damutzen ikustea,
ez eta nere herriko ama gazteak,
beren haurrei zapaltzaleen hizkuntzan mintzatzen entzutea.
Katea apurtzea krima bat da;
herria pozoindatzea krima bat da.
Nehork ez du protestatzen,
Nehork! Edo... kasik nehork!
Horregatik bertsoak idazten ditut, nere ofízioa ez bada ere,
nere tristura gordetzeko,
nere malkoen perla, altxor batean bezala gordetzeko... Alabaina,
non atxik azken haziak,
non ez den poeten baratzean?