inprimatu
Ikusten
Izenburua:
Ikusten
Sinadura:
Jean Louis Davant
Urkizaren iruzkina:
Egilea(k):
Davant, Jean Louis

Argitalpena:
Maiatz.
Urtea:
1984
Argitalpenaren urtea:
Alea:
7.zk.
Orrialdea:
10

Ikusten

 

Jean Louis Davant

 

 Hinki hanka nabila

 zure bideberriko

 xehelen bistaraino.

 

 Ikusten dut emazte

 ttipi begi urdin bat

 aitarekin haiduru.

 

 Ikusten dut etxe bat

 gotor eta segurra

 dener beti zabalik.

 

 Ikusten dut barne bat

 usu jendez betea

 batasun egilea.

 

 Ikusten dut aldean

 baratze loretsu bat

 ur xirripaz alaia.

 

 Ikusten ditut haurrak

 beren urxintxarrekin

 ekiari kantari.

 

 Ikusten dut ele bat

 baratx eta sakona

 biziaren erraile.

 

 Ikusten dut haritz bat

 nasaia, baketsua

 aire gaiztoak joa.

 

 Ikusten dut bizian

 lekurik ez duela

 zuzenaren galdeak.

 

 Sinesten dut halere

 ezin baitut onartu

 zure hilik uztea.

 

 Sinesten dut hortako

 berriz bizi zarela

 gauaren bestaldean.

 


inprimatu