Alarguntsaren bertsuak
1
Aitak eman nau zahar bati,
Gelan eri baitago beti.
Nahi luke jan ahuñaki,
Maite omen baitu biziki.
2
Ahuntza salgei Petribaitan:
Erosi dut hiru sosetan.
Ez da gazte-gaztea, bainan
Gostu on izanen du salsan.
3
Ahuña-merkatu eginik,
Etxera heldu nintzelarik,
Auzoak hor zauden bildurik,
Bisaia nigarrez hanturik.
4
- Ah! gaixoa, erran daut Marik,
Bihotz-min gaitza behar dun hik:
Ez dun gehiago senharrik!
Pausatu dun, ez din ordurik!
5
Auzokoek egin bezate
Intziri bezenbat nigarte:
Dolamenetan ar bedite
Bihar arte, on bazaiote.
6
Ni banoazu berehala
Elizan belaunikatzera,
San Matiasen oinetara
Neure eskerren bihurtzera!
7
San Matiasi esker mila
Ezagutzaz diozkatala,
Zer eginen dut ahunzkia,
Hiru soseko azpikia?
8
Ziloaren egileari
Emanen diot ehortzsari,
Egin dezon, otoi, hilari
Ahal bezain barna hil-harri!
9
Ez banintz auzoen ahalke,
Berehala has nindaiteke
Jauzika, dantzan, su eta ke,
Zeinu-joilea dantzakide!