Bihotz irekiko geografia
G. Jimenez
I
Adan sutsuarekin amodia eginaz
Konfunditu zen Evarekin Ama Birjiņa
Eder paradisuko fruitu debekatuak dastatuaz
Sabel zuria lamekatzen marrubi mingaiņa.
Babeleko dorrean ezagutzen ez diren hizkuntzak
bizkar, lepo eta hankatartetan idatzi zituzten beharrak
delikazioaren eskuekin deskubritu zuen aratzak
azal haragiak eskaintzen dituen plazerrak.
Hodeien kotoiean izerdi patxetan antza
Venuseko mendian sartu nahi destinu lantza
ezkeroztik bizi da erraitan mila dantza
aingeruek larrua jotzen duteneko zalantza.
II
Kotxean zeundeten bakoitzean
zakilaren mamua retrobisorean
neurosi guztia klitorisean galdua
ezezaguna menperatzeko primerako amua.
Neumatikoen usaina gorputz orbainduan
bustitako tapizeriatik lurrinduriko intziriak
eskufrenuko olio zuria ipitz belztuan.
Orgasmoari darraion bakardadearen deposituan
ito ziren errealitate berekoiaren aitzakiak.
Afekturik gabeko amodio abortuan
latexeko ahotsaren tankera hartzen du sexoak.
III
Gezalak marraztu didan bezala
desiragarri zitzaizkidan ere bi mendi
biluzi etzanda zeundela
figura igurtzen zuen ondarra ni.
Olatuen ezpainak
ahoaren aparra
Ortzemuga zetazko maindire bihurtzean,
maindireak gorputza besarkatu zuenean,
laztana irrika nuen lamiaren beroan.
Gardena berdeurdin koloreztatu zela jakin bai orduan
Hezetasun gezamina begi lasaietan
kilima gazia ezpain lodietan,
hego haizearen grina asegabea,
albotik urrundu zenitzaidan,
ondarrean irudia betirako utzia.
IV
Ohiuminen sinfonia pausatuan
esnatu dira behatz puntak
behatz punten suzko dantzan
urtu dira izotz ixtarrak.
Aldaken birak eroa nazan
belarri ondorako bidean
ahoak laztanduriko lepoan
kixkurtzen da sentimendua ahatspean.
Ohiuminen sinfonia pausatuan
esnatu dira behatz puntak
behatz punten suzko dantzan
urtu dira izotz ixtarrak.
V
Geldiunerik gabeko trenaa
odol gorrian funditutako errail puskak
laba uholdeak zure adatsetan
airerik gabeko asmadun sumendia,
zuzenean inpernura.
