Poesia erotikoak

J. L. Padrón

Ezpain margotuak

 Eguzki pitzatu bat basoaren barnatasun satsuan

 zeru jelatu bat

 gauaren begi urratuak ene zakil-zuloan

 hildakoen kiratsa maite dudan bezala maite zaitut

 usteltzen ari dan krabelin bat dago bere sabelpean

 ireki egiten da leiho haien hutsunean egunsentia

 ezpain margotuak eta zetazko galtzerdiak odola bezain leunak

 ene ahoaren altze itsuek zure sabela musukatzen

 bilutsia gorputza kristalezko ortzea bezala

 ez, ez dut hil nahi

 begi urdinak dauzka heriotzaren aurpegiak eta,

 paisaia disolbatu egiten da ene esperman.

Plazerraren oinazea

 Eta eguardi urdinak zure zila barne-banatzen du

 sortzen hasi dira beldurraren planetak barrabiletan

 eta maitasunaren hilezkortasunean isurtzen da ene bizitza

 oh, plazerraren oinazea ixiltasuna eta bihotzaren artean linburtzen

 sutan gauaren uzkia espazio zurbilean

 eta esperma mingotsa zure ezpainetan petalozko itsaso bat bezala.

Baso zilarreztatua

 Poema hau idazten dudan eskuarekin masturbatzen naiz

 ozeano epel bat primadera krudelaren ninietan

 zerutar kupula bere berna artean ilargia baso zilarreztatuan bezala

 eta bihotz guztien urmael urdinskak odolez tindatzen dira

 tristezia bezala gure bakardadea izara elurtuen artean

 aienatzen idizil goratuaren eternitatearen boterea eta,

 zure ditiburuak tximeleta zaurituak ene hortzetan

 gaua ausentziaren luzadura da.

Iluntasun epela

 Erortzen, erortzen izarrak aluaren iluntasun epelera

 eta poema honen zeru beltza bere lurrinean itotzen.