Usoekin gora

Loramendi

 Eleiz-buruan dabiltz goizetik gabera

 usotxoak egaka gurutzez goi-bera.

 Eguzkira zillarra dixurite egoak

 ta aizeaz jolastean esne-pipiltxoak.

 ­Nork al lezazken,

 elur-usoen

 antzera, goyak garaitu!

 ­Nork, an...lurrean

 loya uztean

 gurutz saindua laztandu!...

 Erakus zaidazute, zuek usotxoak,

 erakus zaidazute zabaltzen egoak.

 Ta alkarrekin udaran joaz gurutzera

 negutean zerurontz aldatuko gera.