Gorputzen kantua

Francisco Brines

Euskaratzailea: Gerardo Markuleta

 Gertu dinagu ohea,

 xuri-xuri izarak,

 amodiorako eskainiz

 hir gorputz ederra.

         Zabaliogun leihoa

 gau epel goxoari,

 izan dadin mundu hotsa

 plazer hots, ez besterik.

         Ez bait da zorionik

 hain oso ta berritua

 gorputz sutsu batez

 gaua igarotzea,

 goizaldea haustea bezalakorik.

         Gaztetasuna besterik

 ezagutzen ez dudan

 gorputz ilun batez.

 Gorputzen kantua:Francisco Brines, El rumor del tiempo; Mondadori, Madrid,

 1989. Gerardo Markuletak euskaratua.