|
Raptrix cordium (Urrungaitza)
Loramendi
Auxe, bai, lana,
Andra Maria,
auxe lan eziņezkoa:
Biotzik gabe
nai bizitzea!...
Biotz gabe!... Gaxoa!...
Goiz nabarrean
lotan nengola
nigana zera alboratu;
ta ixil-ixillik
laztan beroaz
barrendik ostu didazu.
Aldendu ziņan
orpo puntetan!...
Etzaitut geroz ikusi!...
Bakar sorayo
lerro soil ontan
negarra darit lerzori.
Doakabea!...
Malko samiņez
emen naukazu iya illik!...
Zure begiak!!...
Zure biotza!...
Ez det nik, ez, beste nairik!...
Zure zai nago
egun osoan...
Zuri ayeska larriro!...
itzali zaizkit
begi-txingarrak...
Barrenak odol jario!...
Ez, ba, oi Ama!
ez izan netzat
orren samin ta gogorra!...
Bestela, ene!
agertuko zait
zaunkaka etsai dollorra.
Kupitu zaitez!...
Atoz lenbailen,
nere argi ta zoruna!...
Atoz amarik
maiten-maitena!...
Atoz, atozkit kutuna!...
Biotzik gabe
ezin nezake...
biotzik gabe ezin bizi!...
Biotzik gabe,
ene maitea,
biotz gabe ilko naiz ni!!...
|
