Autobiaren Aurkako

Huitziko Akanpadako partaidea

 Gaurko euria ez da garbia

 gaurko euria malkoak dira

 gaur ibaia ez dator alai

 uren ordez odolez blai

 gaur hasi dira bizitza hiltzen

 gaur hasi dira harana bortxatzen

 zerua negarrez odoletan mendiak

 hasi dira harriak oihukatzen

 hasi dira zuhaitzak garraxika

 ez zuen inoiz haranak egin

 baina ari da irrintziak ikasten

 irrintzi bat entzun da

 haranaren barne

 kaletar eta artzaiek

 zahar eta gazte

 hegazti eta ardiek

 gizon ta emakume

 hau denok defenda behar den

 neurririk jarri gabe

 gure lurra hiltzen bada

 hilko bait gara gu ere

 gaur ez dago eguzkirik zuentzat

 zuentzat gaur haranean dena

                     etsai bihurtu da