Itsu bainengoen!...

Bedoña, J.

 Begiko zitzaizkidan guraso ta anaiak

 ken zizkidazun, Jauna, banaka guziak...

 Zauri ta gorde eskua!... Artean biotza

 eziñez neurrirazi taupadi zorrotza.

 «Jauna, Jauna, niotsan zotiñez itoa

 auxe lurtarrarentzat lan eziñezkoa!

 Jauna, Jauna, zergatik onela min nauzu,

 zergatik zure eskuak ain latz ni ukitu?...

 Agian Zuk, Jauna,

 -beldur dut esate-

 agian Zuk, Jauna,

 ez nauzu ai! maite!...

 Zoro ta itsu beltza bai...! Ene! ezpainekien

 Maitasuna ari zala bereak egiten...

 Ezpainekien oro zidazula kendu

 biok genezan elkar bakarrik maitatu!..

 Jauna, barka idazu

 itsu bainengoan!...