|
Antzekia
Loramendi
Lote begian kunkurrunkun
erle gorriztak burrun-burruan:
zer ote dio, zer lioke,
lore-beraren nini-lore;
dantzatu ala barruratu,
egoak jo-ta miazkatu...,
zer ote dio, zer esango
loretxoari kukuriko?
Erle gorrizta: zer diozu
lore begian marmaritsu?
Ilargiaren kukupean
urretxindorrak udastean:
zer ote dio, zer lioke,
txiruliruka gaua beste;
sarats itsalen kulunera
ta ibai-erroten dunbotsera...,
zer ote dio, zer esango
illargiari, aopeko?
Urretxindorra: zer diosu
illargipean txiruliru?
Zer diotsudan, Ama, Zuri,
lore ta Illargi zeran orri..?
Erletxoa naiz, lorea zu:
zer diotsudan badakizu!
Ta illargitara karnaba lez,
zugana nago maite miņez...
Illargia zu, ni karnaba...
bikote ederra... jakiņa, ba!..
|
