inprimatu
Eder bati
Izenburua:
Eder bati
Sinadura:
Jon Mirande
Urkizaren iruzkina:
Egilea(k):
Mirande, Jon

Argitalpena:
Xaguxarra.
Urtea:
1981
Argitalpenaren urtea:
Alea:
2.zk.
Orrialdea:
9

Eder bati

 

Jon Mirande

 

 Beraz, Eder, ez zera

 Etorri deikunera

   Nahiz otoitz egin nik.

 Hits ordea ez nago:

 Zuretzako gehiago

   Ez dut maitasunik.

 

 Iruditzen zitzaidan

 Zeudela zure baitan

   Atse denak — atso

 Gaurgero, neska gazte

 Eskua dut emazte,

   Eutsiko zait zintzo.

 

 Andere bihotz aizun

 Damutuko ez zaizun

   Ni utziz, nork daki?

 Bai orduan alperrik:

 Ez dizuket eskerrik,

   Eskua dut aski.

 

 Andere begi urdin,

 Zu joanik ere berdin

   Bai pozik naizela!

 Nerau neronen jabe,

 Besteen beharrik gabe

   Jainko bat bezela.

 

                                                                       50.12.18

 

 


inprimatu