Zuraideko erretor sartzea
Zubiria, Jean Pierre (Panpilli)
1
Udazkenjan haize hegoak kasatzen uri ta hedoi:
Kantuz artzeko etorria zaut sujet berri bat ene doi;
Zuraide hortan erretor dela izendatua Aristoy;
Atseginekin hemen guziek ikasi dugu berri hoi.
2
Senperetikan Ezpeletako bidean hor da Zuraide.
Patar mendiskez ingurutuak zelai ederrak badire.
Zombeit dembora badu zirela hoiek erretorik gabe.
Apezpikuak egiten ditu apez charmant baten jabe.
3
Jaun apez hori Eskual-herrian aspaldi ezagutua;
Bihotz barnetik jalitzen zaizko otoitza eta kantua;
Horren entzuten bethi jendea egoiten da choratua;
Pare gabeko boz eder batez Jainkoak du dohatua.
4
Zuraiden bethi izatu dira boz ederreko gizonak;
Denbora batez haundia zuen horko zombeit hoien famak
Gazte demboran nihaurrek ditut charamelatzen entzunak,
Ez da dudarik badituztela gazte hojetan ordainak!
5
Mundu huntan luze bizitzia denek dugu esperantza;
Goiz edo berant eskapurik ez, tenora eldu denentza:
Guzien salbatzen laguntzeko egina baita apeza,
Apez on horri idek laņoki atea eta bihotza.
6
Eliza hortan ekarriko du kantu eta bozkario.
Holako boz baten entzutea plazer du eta balio.
Inguru hautan kantariena Senperek orai artio.
Zuraide horri gure Jainkoak bardina igortzen dio.
7
Desira hauche baita segura guziek iten duguna
Luzaz agian atchik dezaten eldu zaioten artzaina;
Zuraidar hoiek atsegin, bainan St-Bernarrekoek pena.
Bethi norbeitek atchemaiten du bertziak galtzen duena.
