Zorionerat
Zubiria, Jean Pierre (Panpilli)
1
Pena haunditan jarriak gare oro emazte ta gizon
Halare kantu hauk eman gabe ni ezin nitaike egon
Nahiz aspaldi osagarriaz ainitz mendratua zagon
Gure Jainkoak bere aldera deitu du apez Charriton.
2
Bertze hoinbertze apez bezala sortzez baitzen Hazpandarn
Euskal-Herrian sortu zelakotz egon euskaldun zilarra
Aldare hortan jartzen zelarik apez gizon bat ederra
Fedea zuen bera bezala haundia eta azkarra.
3
Jaunaren deia aditurikan gazte gaztea oraino
Hitz eman zion zerbitzatzea beti umil eta laņo
Eman hitzari jarraikitzea hemen bizia zueno
Hartu kargua garraiatu du kapable izatu deno.
4
Maule herrian kolejian zen eskol'emaiten aizana
Nola estima horrek orduan gaztetan in duen lana
Erakustaile garbia bezen baitzen errespetuduna
Ainitzek horren- medioz dute segitu bide zuzena
5
Ikusiz zenbat haundia zagon apez horren talendua
Bat behar eta apezpikuak hortan in zuen hautua
Katedralean horri emanez alimaleko kargua
Diosesako erretoretan hori zen lehen burua.
6
Katedralean jarri orduko lan haundieri zen lotu
Obra haundiak eginez zuen eliza hori edertu
Eskolak ere oraiko gisan ainitz ederki berritu
Jenden bihotzak gisa berean gutiz geienak harrotu.
7
Jenden artean jaun horrek zuen laster bildu estimua
Eliza-gizon paregabea ezin gehiago kartsua
Bilorik gabe argi ta garbi beti horren predikua
Denbora zoan ohartu gabe horri beha xoratua.
8
Jitea hola izanez zuen bisai aire bat xorrotxa
Bizkitartean guziendako zen gizon solas errexa
Zerbitzu-ile paregabea eskutan zuen bihotza
Deneri berdin aise egiteh egin zezaken laguntza.
9
Denen gainetik maite zituen xaharrak eta eriak
Horiendako beti izanez berak arte bereziak
Deneri berdin aise egiten agurrak eta graziak
Solas beroez bihotz-berrituz penetan ziren tristeak.
10
Gure artean gu zerbitzatzen egotu da hogoi urte
Osagarria, ahala edo indarrak ttipitu arte
Nahi gabeak, penak etorri etzuelarikan uste
Guziak berak jasan baititu nehore mendratu gabe.
11
Izpiritu xorrotxa eta jakintsun haundi abila
Besta eder ta xoragarriak muntatzen ez dakit nola
Molde haundian denak zoatzin eskuz manatuz bezala
Holako apez arraruaikin ezin zitaken bertzela.
12
Bizi guzia iragan duzu beti bertzen zerbitzuko
Zerua duzu orai saritzat gozaturen sekulako
Otoitz hau dautzut orainon ere nik egiten belauniko
Jainko Jaunaren zorionean beti gutaz orroitzeko.
