Uste gabeko bisita

Zubiria, Jean Pierre (Panpilli)

 1

 Ainitz leku xarmanta Senperen Ibarrun

 Itsasoa hurbil ta mendiak ez urrun

 Gaztean banituen hor nik zenbait lagun

 Hor bati egin diot nik bisita egun

 2

 Ibarrun bazterrean da Ixtilartea

 Aiten aitek in zuten horren hautatzea

 Bizi denak segura baitu zahartzea

 Etxeko nausia da hor orai semea

 3

 Gizon ederra eta pizkor dago aita

 Bera iduria du semea plaxenta

 Famitia ederra, andre bat xarmanta

 Osasunak segiluz deusik ez da falta

 4

 Sekulan estimatzen aski ez den gauza

 Ohorezko bizia dela laborantza

 Izanik ere pobre ala aberatsa

 Lurrak eman hehar du jatera denentzat

 5

 Famila eder hortan azkar aitaxoa

 Familian derama zahartze goxoa

 Etxe hortan sortu zen egon da horkoa

 Hortik hartu nahi du bide zerukoa

 6

 Bihotz barnetik agur zuri Jaun Larreko

 Fagorea izan dut zu ezagutzeko

 Gero ere agian zauku gertatuko

 Elgarrekin istan bat ona pasatzeko

 7

 Olerkari ederra jaun honi da zinez

 Ezagutza egin dut zerbitzu beharrez

 Omena baginuen aspaldi elgarrez

 Euskaldunen kazela eder horren hidez

 8

 Ontasun eder hortan hoi aise bizi da

 Etxean bira-bira larre eta landa

 Eiraren koka-ala badu-re azinda

 Seine ta alabekin geroko segida

 9

 Izen bera izanez elgarren tokaio

 Etxe hortan bisitan izatu nitzaio

 Plazer ukan duela herak ere dio

 Jainkoak nahi hadu bertze aldi artio