Urrezko ezteiak
Zubiria, Jean Pierre (Panpilli)
1
Hemeretzi ehun ta hogoi ta hamarra
Hortan enetzat bazen egun bat ederra
Jendekiez eginik elizan biltzarra
Apezak in gintuen andre eta senarra.
2
Gu ezkondu ginela berroit' hamar urte
Orduan biak ginen sano eta gazte
Gure amodioa xahar izanike
Oraino bardin dugu elgar ainitz maite.
3
Besta batean ginen biak suertatu
Berehala elgarrez ainitz agradatu
Bien amodioa fina zen gertatu
Geroztik huna ez da nehoiz kanbiatu.
4
Elgar konprenitzea on eta balios
Hortara arribatzen denborain medioz
Adin hortan jendea gazte ta lorios
Biak ezkondu ginen ainitz amodioz.
5
St Andren bikario apez Olhagaray
Mundutik gana dela aspaldi du orai
Fededun egoitia gu biak zuen nai
Bieri eman zaukun kontseilu on zernai.
6
Bazterrerat utzirik gazteko usaiak
Etsaminatu ere gintuen ideiak
Elgarreta bildurik gu bien kuraiak
Ez gintuen lotsatzen bizi molde gaiak.
7
Gaztean laborantzan Senperen aizana
Geroaz pentsaketan ardura egona
Hobeki bizi nahiz jin nintzen Baiona
Berehala atxeman xarmanteko lana.
8
Kamiun batekilan bainintzen gidari
Egun guziz harekin ibili naiz kurri
Hola ikasi ere ainitz leku berri
Amodio atxikiz Euskal-Herriari.
9
Euskaldun sortu eta euskaldun egotu
Euskal-Herria beti bihotzez maitatu
Kantuz artzea ere ainitz nuen gostu
Zonbait kantu artetan nihaurek moldatu.
10
Guk ere izan tugu plazer eta penak
Egun batzuek txarrak bertze batzu onak
Mundu huntan laneko baikinen eginak
11
Jada aspaldi huntan badut erretreta
Gazteri ere lana utzi behar baita
Lehendik zahartzia zonbat diferenta
Lanean aizan gabe ukaiten soldata.
12
Nahiz helduak garen adin batetara
Osagarri one ta beti alegera
Jainkoari hau diot galdatzen ardura
Zeruan ere gaitzan bil elgarretara.