Urepele pausa-leku
Zubiria, Jean Pierre (Panpilli)
1
Urriaren lehena: kantuz naiz asiko,
Berritz ere bainuke zerbeit erraiteko;
Tenora etorri zaut bakantzak artzeko:
Kanpagnara johan naiz, ongi pausatzeko.
2
Banka eta Aldude, Urepel bertzia,
Leku charmanta zela nuen aditzia;
Satifatu beharrez kuriostatia,
Nik han pasatua dut iragan astia.
3
Baigorri pasa-eta, itzul eta bira,
Emeki arribatu gain eder hartara:
Zombeit egun pasatu hor ditut gostura,
Leku charmanta bezen baita alegera.
4
Urepele herrian, zer jende arraia!
Bertzen errezebitzen badute usaia:
Irria aise eta elea nasaia.
Ez dut nik ahantziko hor egin piaia!
5
Zer nahiko mendichkak ditu inguruan,
Kurridak egiteko makila eskuan:
Airos partitzen nitzen askalu onduan,
Bularrak garbitzeko mendien kaskuan.
6
Mendichka horietan eder udazkena:
Haize hegoarekin purrustan gaztaina;
Ona bezen nasaia ginuen mahina;
Ez da urrikaltzeko hola bizi dena!
5
Nun nahitik baitira surtsak ateratzen,
Indarraren biltzeko elgarri juntatzen,
Ur garbi hori dute ongi baliatzen,
Amorrainen hazteko asketarat biltzen.
6
Jainkoaren dohainek ez makurtzen nehor
Pertsulari haundi bat ere badute hor;
Mendian ezarririk arch eta behor,
Gostura bizi dela diote Chalbador...
7
Deneri erraitea ez zaut ez sobera,
Berritz horrat gatea dudala mentura:
Gauza bakar bat duk nik orai errenkura:
Lasterregi pasatu horko zen dembora.
8
Omore ona eta deskantsu bihotza,
Artatu nautelakotz hor ongi gorputza,
Berritz ehien ganako badut esperantza,
Jainko Jaunak emaiten balinbadaut chantza.