Urepel-eko goxoa
Zubiria, Jean Pierre (Panpilli)
1
Dembora tcharra, bainan omore onian,
Kantuz hastera noa aire chaharrian
Alegeratzen gaitu, zoin gure aldian,
Konjetako tenora heldu zaukunian.
2
Urrian artu ditut bakantzak horrela:
Urepelen izan naiz usaian bezala;
Egun guziez in du uriz jauts ahala;
Bustitzen zuen, bainan etzagon, epela.
3
Zombat leku ona den Hotel Iribarren!
Ainitz ongi dituzte jendeak artatzen.
Lehengo fama onak bethi du segitzen;
Dembora tcharra gatik jendez betea zen.
4
Lana aise uzten ta plazer pausatzia,
Ongi jan edan eta loaz asetzia,
Hoitaz ase ondoan kurri ibiltzia,
Eni johan litzaiket holako bizia.
5
Oihan garbiak dira ibiltzeko kurri;
Kabala guzientzat hor bada hazkurri.
Ezkur eta gaztainez baitago ihaurri,
Aise gizentzen dira basurde ta zerri.
6
Ihiziko badira gaitzeko tokiak,
Mendiska lepo batzu parerik gabiak.
Nombre haundian ziren hor Ihiztariak,
Ainitz urtcho iltzera ustez etorriak.
7
Denetan behar baita giristino izan,
Igandekari gira izatu elizan:
Zer nahi jende bazen hor goizeko mezan
Charamelan kantari denak gare aizan.
8
Enekin jina baitzen en'andre Ichabel,
Lerrako hoitan ditu egin zombeit uspel.
Bakantzak fini eta egin dugu gibel,
Bertzaldi bat artio agian, Urepel.