Senpere
Zubiria, Jean Pierre (Panpilli)
1
Senpereko hrria oi herri maitia!
Enetzat bethi plazer zure ikustia.
Nik hor iragana dut, gan Andre Maria:
ĞRadio difuseğ zen hor meza nausia.
2
Zombat jende bildu den oi horko elizan!
Mukurruka betea, kraskatzeko gisan.
Bozkarioz kantari denak gare aizan.
Meza ederragorik etziteken izan.
3
Apez charmanta bazen meza emailia;
Bertze zombeit bezala herriko semia:
Gorputz ederrekoa, gazte ta propia,
Ainitz edertzen zuen horrek aldaria!
4
Janartorak zituen denak eskuetan;
Airoski gobernatzen hor guziak betan:
Hutsik ez egin behar segur holakotan,
Eskual-herri guzia baitzagon eskutan...
5
Klika eder batean zer musikariak!
Neskatch eta mutiko ainitz kantariak!
Gizonek dardaratzen zuzten galeriak:
Bat bedera choratzen hoien entzutiak.
6
Bikario jeneral, jaun Narbaiz apeza!
Deneri egin dauku prediku bat gaitza:
Argi bezen sarkor da jaun horren izkuntza;
Guzien esker onak errezebi betza.
7
Ogi-buru ederrak eskuz berechiak;
Hoitaz egin dituzte buketa haundiak;
Ofrendan izan dira hola gizonkiak;
Ogi hortaz iteko urteko ostiak...
8
Bertzetan bardin dela gaina ageria;
Geichago estimatzen bakotchak beria;
Besta eder hoietaz gaiten bozkaria:
Biba Senpere eta Eskual-herria!
