Radioaz
Zubiria, Jean Pierre (Panpilli)
1
Agur eta ohore, jaun deputatua:
Egun zuretako dut nik nere pentsua.
Kazeta hortan dugu hau irakurtua:
Zuri esker dugula aurten Radiua.
2
Ezin haundia baitzen guk ginuen pena,
Konprenitu dukezu gure bihotz mina:
Deneri eman ere froga ederrena,
Zu ere hor zinela sortu eskualduna.
3
Mundu huntan lan frango aise iten dira:
Halere ez izaiki iten denik bera.
Betikotz hoi galtzea zelakotz lanjera,
Parise hortan duzu harrotu gambera!
4
Istorio ta kantu bada hor denentza;
Ainitz ederra ere igandeko meza.
Ez dut nik salatuko hor atxeman hutsa:
Bakotxak berea du atxemaiten ontsa
5
Radioak ez ditu satifatzen oro;
Denetan bethi dira zonbeit buru bero.
Ardura hoik badute espantu ta aro;
Beren ganatu nahiz bertze zoinbeit xoro.
6
Jendea atzartzen du min edo beharrak;
Horrek mugiarazten flako ta azkarrak.
Balio guti baitu ondotik nigarrak,
Barkatu erran baitut zonbeit ele, txarrak!
7
Xubero ta Lapurdi ta Baxenabarre
Mendiz handian ere bertze lau badire:
Denak anai-arreba egon bear gare,
Eskuara bizi dadin orai ta gerore.
8
Eskualdunak eskuaraz mintzo eskualduner,
Eskualdunentza hori on da eta plazer.
Haurten ere hor dugu hori, zuri esker:
Bihotzetik dautzugu igortzen milesker.