Ongi-etorri Baionara
Zubiria, Jean Pierre (Panpilli)
1
Agur ohore ta laudorio zuri jaun apez Camino
Zu kantatzeko ainitz hobea behar liteke ni baino
Zure trenpuko apez arraiak gure artean direno
Euskal-Herria lehen bezala egonen da girixtino.
2
Euskal-Herriko apez xarmanta, zeren sortua Arnegin
Gure Jainkoak here lanera gazterik zuen galdegin
Galde on hori onartu ere errespetu haundirekin
Dohain berezi haundien jabe zeruak hola du egin.
3
Apezpikuak izendatu du katedralean erretor
Berri on horrek gure artean ez du ez harritu nehor
Gutiz geihenez ezagutua, bikario egona hor
Kargu horrentzat hobeagorik segur etzitaken etor.
4
Hedadura gaitzeko apeza eta xarmanta gizona
Izpiritua ainitz xorrotxa eta zonbat jakintsuna
Ez da dudarik haundia dela oral hartzen duen lane
Lan guzietan aise ari da buruz artzen dakiena.
5
Apezpikuak hautatu dauku guri erretor berria
Bihotz barnetik egiten diogu denek ongi etorria
Ez da dudarik haundia dela gure plazer ta loria
Berritz ere hor entzunen dugu horren boz xoragarria.
6
Euskal-Herriko Baigorrin baita erretor egon lehenik
Laster estimu haundia bildu horko jende onen ganik
Hazparnen orai erretor zagon badu aspaldi jadanik
Katedralean ezartzen zaiku gradu haundira iganik.
7
Haundia eta ederra baita eman dioten gradua
Diosesako erretoretan hori da denen burua
Badu ahala eta kuraia badu ere talendua
Uste-gabean etorri zaio merezi duen lekua.
8
Euskal-Herrian ezagutua aspaldiko denboretan
Oroitzapena ona utzi du pasatu den lekuetan
Partitze horrek segura ditu Hazparnen utzi penetan
Batzuen penak egiten dira bertze batzuen onetan.
9
Orai artean hor zena ere etzen ez apez tontua
Sinestekotan ikusi behar egin den xanjamendua
Ez da dudarik kargu hori da haundia bezen pisua
Holako obrak egin ondoan merezi duke pausua.
10
Apezarentzat erraiten dute azken hitza beretako
Nik ere hemen oral banuke fagore bat galdatzeko
Jainkoarekin hor zaudelarik otoitzean belauniko
Galdatzen tuzun grazia hoitan nitaz ere oroitzeko.
