Olheta

Zubiria, Jean Pierre (Panpilli)

 1

 Agur eta ohore gaur zuri, Olheta!

 Omore onez nauzu asten eleketa:

 Hoin aundizki iteko ezkontzaren besta,

 Leku charmantagorik etziteken hauta...

 2

 Gombitua ukanik kazeta «Herrian»,

 Olhetan izan gare zoin nonbre haundian;

 Itzemana ginduen iragan urtean

 Etorriko ginela urrengo aldian.

 3

 Beztimen eta dantzak lehengo moduan

 Ederiki eman tuzte bazkaldu ondoan:

 Zoin jostagarri eta zer muhimenduan;

 Dantza ederragorrik ez daite munduan.

 4

 Mattin eta Errechil zer pertsulariak!

 Golkoa bete eta goizik, etorriak...

 Berotzen asi eta ezin atchikiak...

 Ongi utzi dituzke horko bazkariak!

 5

 Esposaren aitak du dantzatu fandango,

 Hiru-hogoibat urthe hortche nombeit dagu

 Horren, zalutasunaz harritua nago,

 Zoin arin derabilzkan gorputz eta zango.

 6

 Gazte tropa charmanta Chuberotik jina:

 Gidatzaile on eta chistulari fina...

 Musketa-jauzi eta baso dantz-arina:

 Ez da ttipituz johan Chuberotar fama!

 7

 Olhetako herriak aldean du Larrun:

 Hauzo herriak ere zutarik ez urrun;

 Behar orduan gare hemen zure lagun,

 Eskual herria dadin bai egon Eskualdun.

 8

 Bertzaldiño hat arte deneri adios!

 Holako bestak dire denentzat balios.

 Jostatuz bizi gaiten guziak lorios;

 Zaharren kostumeri segi amodioz.