Lapurtar bat Urepelen

Zubiria, Jean Pierre (Panpilli)

 1

 Igandian izan ga Urepelen gaindi,

 Itzuli bat inaia bainuen aspaldi.

 Nahiz izatu naizen lehen zombeit aldi,

 Berritze etortzia nik dut plazer haundi.

 2

 Airoski partituak igande goizian,

 Bihotza alegera omore onian,

 Iduzkia ginuen gure konpagnian:

 Dembora aise doa gostura denian.

 3

 Aintxu arribatzean suberte gaxtua:

 Kolpez ezarri zauku mainguka otua!

 Arroda bat ginuen aire gabetua:

 Halere ez daut kendu ez apetitua!

 4

 Gizon famatua da Alduden ahotza:

 Zernai lanen iteko ez omen da lotsa.

 Horrek arrimatu du laster, eta ontsa,

 Ez baita harritzeko eskualdun batentza!

 5

 Ostatu xarmanta da Iribarren Elgart;

 Abisu bat deneri nik baneza ezar?

 Jan edanak hor dire nasai eta azkar;

 Araberakua da estomaka behar.

 6

 Ongi ase ondoan behar da kurritu;

 Itzuli bat itera gare abiatu:

 Patar maxela bati kuraioski lotu;

 Abiatzian denek ginduen espantu.

 7

 Patar hoi igan dugu hats hartuz pausuka;

 Chalbadorteian egon apur bat eleka;

 Talendu bildu nahiz arnoa basoka;

 Gero xarmanta nuen bideko pottaka!

 8

 Iduzkia apaltzen hor zelakotz hasi,

 Plaza hortara ginen berritz ere jautsi;

 Adios erran-eta horkoak hor utzi.

 Igortzen diotegu deneri goraintzi!