Kamion bat karrikan
Zubiria, Jean Pierre (Panpilli)
1
Baionako hirian, iragan astian,
Chofur bat ikusi dut kamion batian,
Nihundik ezin pasa karrika hertchian,
Kamiona sobera haundia baitzian...
2
Batean jautsi eta bertzean hupatu,
Othoitz baino lasterro iten juramentu,
Gisa guzietara karkulak egin tu;
Bainan halere ezin nihola pasatu...
3
Duda gabe hor baitzen gaizoa aspaldi,
Ainitz kechatua zen, kopeta izerdi
Otoain kontra jina, geihau ezin mugi,
Ez aintzin, ez gibela, beldur baitzen fundi!
4
Goiz danik omen baitzen lanean hasia,
Hortako zen errechki heldu izerdia
Denetan oto eta karrika hertchia,
Tresna haundi horrekin oi zer komedia!
5
Bi lagun leku hartan subertez pasatuz,
Laguntzen izan gira hortaz urrikalduz
Traban zen oto hura eskutan airatuz,
Aski baztertu dugu indarraren gostuz...
6
Pasaia libratua eskuin eta ezker,
Languntza horrek dio egin ainitz plazer,
Gu bieri erranik bihotzez milesker,
Lekuak ustu ditu ahal bezin laster...
7
Ni kafe-martchant eta bertzea letchero,
Eleka egon gare gizon hortaz gero:
Uda betean baita iduzkia bero,
Zerbeit pagatu balu edateko aro!
8
Jaun horren kompagnian usaian loria;
Gizon charmanta eta ainitz kantaria
Etzen arras berdina horren omoria,
Oto hori zelakotz traban ezarria.
9
Kontseilu bat ni ganik, zu, Pierres jauna,
Moda chaharren artzeko tenora da jina:
Karrika hori baita ertchiegi ina,
Bizkarka garraiatu obenzu irina...