Euskaldun kardinalea

Zubiria, Jean Pierre (Panpilli)

 1

 Hemeretzi ehun-ta hiru hogoita hemeretzi

 Kantu berri moldatzen nahi nuke hasi

 Berritz ere kargutan igan dela goiti

 Deneri kantatzia ezaiku itsusi.

 2

 Euskal-Herri Lapurdin zer herri pollita

 Haundizki famatua beti Ezpeleta

 Aita Sainduak ongi karkulak in eta

 Kardinale egin du apez bat xarmanta.

 3

 Euskaldunak munduan ez garela nornai

 Kantatuz esplikatu nahi nuke orai

 Irria ezpainetan arpegia arrai

 Kardinale jarri da Roger Etchegaray.

 4

 Arras gazte ukanik Jainkoaren deia

 Zu baitan zela apez haundi baten gaia

 Kargua jasan zazu atxikiz kuraia

 Haundia izanen da zeruan saria.

 5

 Berri xoragarria entzun baitut atzo

 Hortakotz berehala zuretzat naiz mintzo

 Gu bien sort-herriak elgarrekin auzo

 Deneri kantatzia plazer eta goxo.

 6

 Baionan egoturik ta gero Parisen

 Frogak ezarri ditu apez horrek nor zen

 Lehen zaharretarik entzun dut erraiten

 Obretarik gizona deia estimatzen.

 7

 Beti haundi izan da apez horren fama

 Araberan haundia ukan ere lana

 Desira hauxe dautzut nik ere egina

 Osagarri on eta emazu aintzina.

 8

 Bizi hunen ondotik bizi loriosa

 Giristino guziek dugu esperantza

 Zerurat gidatzeko emaiteko meza

 Jesusen ordaintzeko behar da apeza.

 9

 Hoinbertze adixkide bai eta ezagun

 Zorteak manaturik bizi dira urrun

 Euskaldun nortasuna begira dezagun

 Guziak guzietan agertuz euskaldun.

 10

 Apez haundi baitzare Jaunaren oinetan

 Fagore hau eskatzen dautzut pertsu huntan

 Ez gaitzazula ahantz zure otoitzetan

 Jainkoa kantatzeko denek zeruetan.