Etxahun ziberotarrari

Zubiria, Jean Pierre (Panpilli)

 1

 Agur eta ohore zuri jaun Etchahun

 Azken agurra egin nahi dautzut egun

 Jendetze hau ikusiz aise da ezagun

 Hola zure galtzea zonbat pena dugun.

 2

 Iruriko herrian zen laboraria

 Pastoral, musikari ta pertsularia

 Ezin aski estima horrek in ongia

 Haundizki zerbitzatuz Eskual-Herria.

 3

 Ohidura xaharrak, pastoral berriak

 Horrekin ikasi tu horko gazteriak

 Zernahi kantu dira horrek ezarriak

 Seme on bat galdu du Eskual-Herriak.

 4

 Euskal-Herrian baitzen euskaldun sortua

 Dohain haundiz betea gizon arrarua

 Maite zuen musika bai eta kantua

 Eta oroz gainetik bere Xuberua.

 5

 Guziez maitatua ez oinon zaharra

 Arpegi bat goxoa, zen gizon ederra

 Gorputz horren barnean bihotz bat zilarra

 Euskaldun haundi bainan zen xuberotarra.

 6

 Ohidura zaharrak begiratu nahiz

 Gaztien eskolatzen maite zuen ainitz

 Kantu, dantza zaharrak hoier erakutsiz

 Gau osoak lanean hoiendako ariz.

 7

 Mundu zabal guzian gizon horren fama

 Aspaldi hedatua euskaldunen gana

 Ezin negurtua da horrek egin lana

 Euskarak hor galtzen du zerbitzari ona.

 8

 Bakan agertzen dira holako gizonak

 Dohain haundiz beteak etortzen direnak

 Bakotxa bere aldi badoatzi denak

 Jainkoak igor bitza doblezka ordainak.

 9

 Errespetu, ohore eta amodio

 Euskal-Herri guziak jaun horri zor dio

 Jainkoari eginez ainitz gomendio

 Agian zeruetan ikusi artio.

 10

 Elgarren ikustia berritz zeruetan

 Gum bizia dos esperantza hortan

 Lorioski bilduak Jaunaren oinetan

 Jainkoa gantatzeko menderen mendetan.