Lagrenade Jaun apezari
Apez lagun batek
1
Biotx adixkidea, egungo suyeta
Bertsutan emaitera ni ezin ausarta,
Zu hemen aipatzea zinez neke baita;
Kantu hauek egiten ainitz zaizkit gosta.
2
Eskual-Herri guzian jakin da berria,
Aurten uzten duzula Ayerra herria,
Berri hori guretzat da lotsagarria,
Baitzare zu apez bat hain maitagarria.
3
Bikari egon zinen zu hameka urte,
Kargu hori zinuen segur ongi bete.
Baigorriko aldean jendeek diote,
Denek egin geiago zintuztela maite.
4
Baigorriko herrian lan ainitz eginik,
Errtor sartu zinen Urkodoin lehenik.
Herri hortan badakit, ainitzek erranik,
Ez da sekulan izan holako artzainik.
5
Lotu zinen hor laster gogotik lanari,
Herria altxatu zen, zu hartuz gidari.
Apezpikuak zuen jakin zure berri:
Hortikan Ayerrerat zintuen igorri.
6
Chalbadorrek bezala banaki bertsutan,
Mila eman netzazke zutaz lorietan,
Goraki erraiteko bazter guzietan
Zer lanak zuk ditutzun egin herri hortan.
7
Artaldea chuchenki hor duzu gidatu,
Haurrak eta gazteak artoski moldatu.
Hogoi urtez hortxetan baitzira higatu,
Hargatik behar zira oraitik pausatu.
8
Osabak iloba du orai lagunduko.
Agian harekilan zira gozatuko!
Etzaitugu sekulan hemen ahantziko.
Gero ere guk elgar dugu ikusiko.