Ahuskiko itzulia

Zubiria, Jean Pierre (Panpilli)

 1

 Aurten izan naiz Ahuskin

 Ene andre koinatekin:

 Hango berri nahiz jakin.

 Mendia gora partitu ginen ainitz kuraia onekin;

 Han arribatzearekin,

 Dudarik ez daite egin,

 Ainitz ginuen atsegin!

 2

 Bidean istil ta saltsa!

 Partitzean etzen-lotsa!

 Konpagnia Kuraiosa!

 Lehen oldarra pasatu eta, usu, egin dugu pausa;

 Patar hori dela kausa,

 Suiheta daiteke pentsa,

 Ainitz nekez artzen hatsa!

 3

 Nahiz senti unadura,

 Heldu ginen Ahuskira,

 Emanik behar dembora...

 Etcheko andriak ekarri zaunkun perno on bat mahinera;

 Harekilan pitchar ura,

 Ithurrikotik segura,

 Edan ginezan gostura!

 4

 Balio du aipatzea.

 Han in dugun bazkaria;

 Ahotik ezin utzia;

 Gormant guzien satifatzeko bazen behar zen guzia:

 Aise jali zen irria,

 Edanez arno gorria,

 Kafe eta basa ttipia!

 5

 Atsaldea pasatzeko,

 Johan behar gohorachko,

 Ithurria ikusteko...

 Ur horren edaterat jinik han bazen jenderik asko;

 Denek berdin erraiteko:

 Ez beldurrik izaiteko!

 Usu basoa husteko!

 6

 Etcherat noiz itzuli:

 Iluntchean gira jautsi,

 Han bertan utziz Ahuski.

 Patarra behiti partitu eta, in zombeit itzulipurdi;

 Huntan nahi baitut utzi,

 Duen bezala merezi,

 Igorriz mila goraintzi!