Nere burua ezagutu beharrez
Zorrondo, Albert
1
Mirailari so eginik,
ez dut ezagutu ene aurpegia:
Aratseko itzal hitsak
zimur ilhun batek zaukan iraungia.
2
Aizepean kantaturik,
ez dut ezagutu nihauren mintzoa
Ene boza bertze bat zen,
galdurikan bere pereku gozoa.
3
Hil-ondoaz dudaturik,
ez dut ezagutu nihauren arima
Hau ez zena zeru-alde
bizirik igaiten, iduri sulama?
4
Nigarrez kolpez hasirik,
ez dut ezagutu nihauren bihotza
Ez nuen uste naukala
hain feiros, hain eri eta hain beratza!
5
Bainan ene kopet leuna
ikusi orduko ibai-ur garbian,
Argitzen ezagutu dut
ene esperantza handia, abian!