Zerura

Zapirain, Jose

 I

 Adierazi biar dizutet danairi

 Laister utzi biayot munduko lanari,

 Bisita egikeko aitari ta amari,

 Nere emaztia ta iru semiari,

 Len maitiak nituen lagun zar onairi.

 II

 Urte asko gañian ta odolak otzak,

 Aurki deya egingo digu eriotzak;

 Ez naiz atzeratuko azaltzeko lotsak,

 Neke danak utzita aspaldin biotzak

 Gora begiratzen dit zerurako pozak.

 III

 Eliza maitatu det, beterik legia,

 Semiak azi ditut, egin det noria,

 Illunpetik argira juateko iria,

 Bitartekuak ditut Jesus ta Maria,

 Erakutsiko naute zerura biria.

 IV

 Ate ondotik pozez kantatuz bestsua,

 Lengo maitien billa dator gurasua,

 Entzungo det San Pedro'n izketa goxua,

 Aspaldiyan zai dago famili osua;

 Atoz beren artera betiko, gaxua.

 V

 Emen arrantzale zan guztizko gizona

 San Pedro degu zeru atezai dagona,

 Biotz-biotzez laztan Jaunan esku ona,

 Beko gauzak aztuta, eseri, aitona,

 Artzazu irabazi dezun oriona,

 VI

 Laxter erantzuera au diyot emango,

 Aita balitz eluke aztutzeko esango:

 Neketan utzi ditut an seme geyago,

 Ayen aitare ni naiz, bildurretan nago;

 Ayeri laguntzeko ezer ez aldago?

 VII

 Gelditzen zeratenak eduki goguan

 Ez gerala egongo berez luzaruan,

 Laguntzeko asmuak daukazkit buruan,

 Ez naiz lasaituko ez mundu ez zeruan

 Seme danak ikusi bitarte onduan.

 VIII

 Enteratu zaitezte nere esanian

 Zer egin biar degun gero azkenian;

 Ama Birjiña, nabil zure izenian,

 Zeruan sartutzeko iltzen naizenian.