|
Zarraren pasadizuak
Zapirain, Jose
1
Pentsamentua badet
bertsuak jartzeko,
kontu politak dira
goguan artzeko
guziyak desiua
badegu zartzeko,
iñork ez du gogorik
gazterik illtzeko.
2
Urtiak juan eta
egin gera zartu,
begi bista juan ta
belarriyak gortu
belaun gozo txarra ta
junturak gogortu
alare eziñ gera
munduban aspertu.
3
Zartziak dek danak
ekarritzen ditu
arpegiko bizarra
ta illia zuritu
burua nastua ta
memoriya atu,
geyagore badira
esango banitu.
4
Ortzak ere nigandik
dira aldegiñak,
oyek bezela igual
juan ziran agiñak
nonbait etziralako
betiko egiñak
sentiduak kontatzen
badaki mingañak.
5
Gaztetako umoria
etzait oso aztu,
oraiñ biyotzik eziñ
ezerekiñ poztu,
gorputza motela ta
odoletan oztu,
zartziak ezer ere
gauza onik ez du.
6
Orra nolakua dan
zartutako mantxa,
alderdi guziyetan
zikiña ta mantxa
gustora izateko
bizi modu motxa,
exertzen dan tokitik
zutik eziñ altxa.
7
Ez gera akordatzen
sasoi degun arte
oraiñ aldiz aurretik
emango det parte
gaztetasunak ditu
ogeita amar urte,
orduan egoten da
gorputzetik fuerte.
8
Gaztia ibiltzen da
alai eta parrez
zergatik umoria
sortzen duen errez,
danen berri badaki,
iltzen danak zarrez
azkenian tristura
kontsuelo ordez
9
Aurki irurogei urte
Nere edaria
Juan da dibersiyua
eta umoria,
arpegiya ximurra
Txarra koloria
biyotzian tristura
eta doloria.
10
Ez dirizkiyok ori
gezurra danikan
gaztiak ez daukate
orlako lanikan,
biyotzetikan eziñ
atera penikan
zartziak ezer eztu
alderdi onikan.
11
Bizi modu ori zerdan
nago ikasiya
zarraren izaera
pranko itsusiya,
istimaziyo txarra,
t'eziñ ikusiya
badaka naiko lana
eta desgraziya.
12
Ez genduke egin biar
orlako gauzik
gero zer datorkigun
ez emateri trazik
istimaziyo txarra
ta kusi nai ezik,
gaztiak zartutzeko
ez eduki pozik.
13
Au da gaztientzako
akordagarriya
egiya esatia
ez da pikardiya,
¡Ara! zartuta askok
daukan alderdiya
Ospitalera'edo
Mixerikordiya.
14
Orra pasadizua
kontatu zarrena
ayek danak juntatzen
dira alkarrena,
gorputza baldarra ta
anketik errena
ezaguera galtzia
ori da txarrena.
|
