Gure aritza

Zapirain, Jose

 1

 ¡O arbola! zu zera

 zorrotz sustraitua,

 gogoan bear degu

 izan zure ostua:

 ederra eman dezu

 oraindañokua,

 zu zerade arbol bat

 antziñetakua.

 2

 Euskaldunentzat ez da

 iñon arbolikan

 zu zeradena baño

 obiagorikan;

 beti egin beagu

 guk zuregatikan

 argiro datorrena

 barren barrendikan.

 3

 Esnatu oi bagera

 euskaldun jendea

 agertu bear zaizu

 ostua berdea;

 zañetan ondo zaude

 arbola maitea.

 ¿nola liteke guk zu

 bakarrik uztea?

 4

 Euskaldunak zauzkagu

 arbol maitatua,

 beti zeradelako

 berdin gabekua;

 beste zenbaitentzako

 errabiakoa,

 ez dutelako izan

 guk bezelakua.

 5

 Gipuzkoa ta Bizkaya,

 Arabar, Naparrak,

 obek dira zuretzat

 aizparik onenak;

 orain artian ondo

 izandu diranak,

 eta zuregatikan

 ilko lirakenak.