Gazte gaztetan jarriak dama bati

Zapirain eta Irastorza, Jose

 Maite bat chukun chukun

 Ala animatik,

 Maitatutzen det nola

 Biotz biotzetik;

 Berak ez dakit nola

 Alnauben beretik,

 Beñepin nik maite det

 Guztiz barrenetik.

 Ikusi utsarekin

 Sartutzen dit poza,

 Esatia ere au

 Batere ez naiz lotza;

 Alderdi guztietan

 Gustatzen dan gauza,

 Ausen bai dala uda

 Berriko arrosa.

 Dama ori lengoan

 Toki batian zan,

 Pozaren indarrez nik

 Ezer ezin esan;

 Zalantzan bera ere

 Nozki egondu zan,

 Beñepiñ lagun batek

 Ala zirun esan.

 Amaren sabeletik

 Dator alakoa,

 Polita ain da guztiz

 Zoragarrizkoa;

 Ez da arkitzen beste bat

 Ura añakoa,

 Aingeru bat diruri

 Pare gabekoa.

 Etor-bidea balu

 Nere ingurura,

 Biok bat egiteko

 Leku segurura;

 Askotan-etortzen zait

 Ai pentsamentura,

 Esanaz egoten naiz

 ¿Nun da dama ura?

 Oroitzen jarri eta

 ¡Jesus au tristura!

 Nere barren gasua

 Biziro estu da;

 Aspaldian datorkit

 Gauza bat burura,

 Dama bat maitatzen det

 Bañan ¿nola ura?