Senpere ola kartierean
Zamora, Auxtin (Auxtin)
1
Senpere Ola Kartieran,
Jondoni Petriren pean,
Mile bederatzi ehun
seiean, Bazko ez urrun,
gerta omen da pullitik
asto laster gai ederrik:
2
Bi emazte kalakan,
hauxet erran, hura erran,
harturik biek afruntu,
dira ximurtuz samurtu.
Ez bide zuten katxorik
mihi puntan bizikarik
haukien xuri beltxetarik,
kartierak dena jakin dik.
3
Guziak antolatzeko:
«no loi beharri ondoko!»
batek erranez, igorri
bertzea, xut, senharrari.
Aufa, aufa, Janamari
zer dun ixtorio hori!
4
Bainan biharamunean,
pegartxo bat harturikan,
laidostatuaren gizona
laidoslariaren gana:
pegarra buruan hautsi,
madamak mokoa hetsi.
5
Olan dira bai geroztik
gauzak pasatzen ixilik,
urrun begien bixtatik.
Gertakizuntto huntatik,
ez atxik erakaspenik,
baizik, pegarrak osorik!
|