Euskaldun izaitearen gosea

Zamora, Auxtin (Auxtin)

 1

 San Betirisen bordan sortua,

 Burua pisu, tripa hustua,

 Hemen nauzu gogoetatua:

 «Zek daut emanen agorat tua ?»

 2

 Zakur baten pare erratua,

 Trixterik, begia zuritua,

 Hau duk hau, gosearen mundua

 Neure ago-hertzeri lotua!

 3

 Aserik dena da aingerua

 Goxoki lo, gauaz, dohatsua!

 Goserik dena, aldiz, debrua

 Erreberietan, tripan sua!

 4

 Janen nuke, naizen peritua

 Izarrez betea den zerua,

 Edanen itsaso zabaldua

 Hain dut zintzur hau, agortua!

 5

 Euskal-Herria, basa mortua

 Zure haurra da hamikatua!

 Bainan ezin egonez mutua

 Orroaz du «gose naiz» oihua.

 6

 Euskal-Herri, nitaz maitatua

 Noiz bururatuko da negua?

 Noiz beteko zure selarua?

 Ez dezatan hau azken kantua!