Gure gita zenaren azken egunak
Añi
Zoin goxoki nintzan
Elgarte-ko putzian
ene anaiekin
bertze ahatekin
Egun trixte batez,
nik nahi ala ez
atxeman ninduten,
kontent baitziren
Alaba bat omen zutela serora
abian ziren etxekuak Itsasura
Ni, ahate guzietarik pollitena
eta, erran gabe doa ederrena
maiatzaren hogoita bian
eman ninduzten zare batian
eta han nindagon ixilik
alabainan ez nuen bozik
bi patak estekaturik
burua aphalik
arras umilik.
Haste piaia
Zonbat luzea!
Itzuli gaixtoetan, Jinkuak beira
ez nindadin juan zangoz gora.
Azkenean, hara Itsasu
ene buruari nion: «Orai kasu!»
«Erran Añi, kartzen daunat gita bat»
- «Eman dezaun behala oilateirat»
Adio Elgarteko hura,
hango pentzen hedadura...
ba, adio bide bazterra
han dut ardura ene arrangera.
Hemen nago zerratua
hiltzerat kondenatua
galdua dut apetitua
arras naiz histua
oiloek berek trufatua
Zonbat irrin nuen egun batez
entzun nuelarik errienta frantsesez
galdeiten zoin serioski: «Mais c'est une oie»
Egin nuen ene baitan: «Zer zozua»
Azken irriak nintuen
ezen egun batez hatxeman ninduzten
Hire serorek egin zuten bazkari
Zoin-geihagoka lotuz ene azpi-hegaleri
Requiescat in pace...
bertze bat ukan-arte!