Mutill-zar bateri

Zabaleta, Pello

 1

 Bertso berri batzuek

 bear ditut jarri,

 mutil-tzar batentzako

 zerbait tentagarri,

 ezkontzeko asmuak

 omen ditut sarri,

 andregayaren billa

 dabill erriz erri.

 2

 Iñor baldin badago

 ezkontzeko zale,

 mutill-zar ori nordan

 egin zazu galde,

 etzera geldituko

 senar gayik gabe,

 eta egingo zera

 puska onan jabe.

 3

 Nobiyo jaun ori da

 kosta aldekua,

 Debatikan onara

 etorritakua,

 langille ona eta

 ezkongai bapua,

 edozeiñentzako ere

 bazera naikua.

 4

 Ogeita amasei urte,

 oraindik gaztia,

 gorputz ederrekua

 txit balientia,

 suertatzen bazayo

 gustoko andria,

 jayero pasiatzen

 ibilliko dia.

 5

 Jayero pasiatu

 egualdi onian,

 zinera juango dira

 denbora txarrian,

 andik biyak etzera

 iñulabarrian,

 ondo biziko dira

 alkartasunian.

 6

 Neskatxa bat gustatzen

 zaizu Errenterin,

 benturaz berak ere

 naiko du zurekin,

 azkar obe diyozu

 mandatua egiñ,

 engañatu baño len

 besteren batekin.

 7

 Lenbizi pentsatzen du

 puskak egitia,

 oya muelle onakin

 eta mesanotxia,

 maya marmolezku

 oso dotoria,

 beste armariyo bat

 espilloz betia.

 8

 Ezpazayo gertatzen

 andrerik artzia

 puskak pentsatutzen du

 irrifan jartzia,

 orduan obe dozu

 etxiya artzia,

 eta mutill-zarraren bandera

 etxeratuzia.