Guraso zar baten negarra
Zabaleta, Pello
1
Guraso zar bat arrimatuta
esaten zitzaidan asi,
alargunduta zer bizi modu
egin zitzayon iritxi,
seme alabak azi nituen
eta juan zaizkit igesi,
zerbait laguntza orain biar ta
bakardadia nagusi,
nere nekiak ordaintzerikan
ez dute nonbait merezi.
2
Nai gabe edo samintasuna
sartua daukat barrena,
ez bizirikan baldin balego
nere emazte kutun ura,
seme alabak utzi zizkidan
ta bera joantzan zerura,
gerostikako egun laburra
ez dijuazte gustura,
lenago artzai ta orain nabill
ardi galduen modura.
3
Arrazoya, da guraso onak
ori izatia pena,
jakiņa dago aurrak azitzen
asko kostako zayona,
ta gero ezpadu errukirikan
aita eta amarengana,
biyotza dauka gogortuxia
esan liteke ayena,
etorko zaye eguntxoren bat
gogoratuko zayena.
4
Bi seme eta iru alaba
ez nituen gaizki artu,
ta oraiņ zartu naizen garayan
ez naute nai ezagutu,
nere barrengo garrastasuna
zeņek letzake ba neurtu,
otzikara bat sartua daukat
eta eziņ naiz berotu,
besterik eziņ egin nezake
aldetan arte sufritu.
5
Sasoi nuela sayatzen nitzan
azitzera fameliya,
begira oraiņ nola naguen
oyek txokora utziya,
irurogeita amabost urte
iritxi zaizkit iya, iya,
onez aurrera ez gera gauza
irabazteko ogiya,
umiak azi, nekiak bizi,
auda esaera egiya.
6
Ogeita zortzi urte nauzkala
artu nuen emaztia,
garaya arretan ez nuen uste
oraiņ ontaratutzia,
gure emengo izaera da
laburra eta luzia,
jayotakuak danak bizi nai,
eztu nai iņork iltzia,
baņan alperrik izango degu
igesi ibillitzia.
|