Gauza samingarriya

Zabaleta, Pello

 1

 Munduko bizi moduz

 gogoratutzian,

 negarra irtetzen zait

 begiyen ertzian,

 jayotzak eziyotza

 daduda aldian,

 egun triste batzuek

 dauzkagu tartian,

 alare ezin konpondu

 gerade pakian.

 2

 Danak aberastuta

 nai genduke bizi,

 osasunari kontu,

 diruari utzi,

 orrek eztu esanai

 mundu ontan gutxi,

 txarra etortzen zaigu

 naiz ona berexi,

 ditxa guziyak eziñ

 litezke iritxi.

 3

 Au da nik mundu ontan

 ekusten detana,

 guztiyak naitasuna

 diruarengana,

 orrek ematen digu

 emen naiko lana,

 alkar eziñ ekusi

 au da okerrena,

 pake gozuan bizi

 bear gendukena.

 4

 Bista ona izanda

 eziñ ekusiya,

 ori arrapatzen dei

 gauza itsusiya,

 batek esan lezake

 ez dala egiya,

 anaitasuna degu

 bazterrera utziya,

 non bizi geran ere

 aztu zaigu iya.