Ijito antzeko bati

Zabaleta, Pello

 1

 Lenguan ekusi det

 komeri polita,

 farrez egondu nitzan

 begira jarrita,

 ijito antzeko bat

 txamarra erantzita,

 eziñ altxaturrikan

 lurrera erorita.

 2

 Berdinduxia zegon

 jana eta eranez,

 alare altxatzeko

 indarrik izan ez,

 ona idurituta

 kargatu zan errez

 gero bidian larri

 ezin eramanez.

 3

 Noiz baite altxatuda

 beltzak ekusita,

 txapela ta txamarra

 lurrian utzita,

 berrize erorida

 makurtzen asita,

 zigarro bat erre du

 bertan exerita.

 4

 Zigarrua erriaz

 erderaz kantatu,

 kontentu zegan bañan

 ezintzan altxatu,

 obe zuben ez balitz

 oinbeste kargatu,

 urrenguan kontuak

 aterako ditu.

 5

 Berriz ere asida

 altxatu nayian,

 lurrian exerita

 aspertu danian,

 noiz bait ere jarrida

 bi anken gañian,

 etzeguen aserre

 zutitu zanian.

 6

 Oju eta irrintzi

 orren ausardiya,

 begiyak txintxilikan

 pauso elbarriya

 irugarren aldiyan

 erori zan iya,

 bazedukan arrimo

 on baten premiya.

 7

 Ostatura sartu da

 arronka aundiyakin,

 txutik ezin egonda

 dantzan ziyon ekiñ,

 borraka ibilli da

 silla ta mayakin,

 laister aserratuca

 ostalariyakiñ.

 8

 Ostalariya zegon

 bere amurruan,

 eta bestiak berriz

 zurruta barruan,

 ongi esanagatik

 gaizki artzen zuan,

 arrastaka aterata

 utzi du kampuan.