Bigarren aldiz ordañak

Zabaleta, Juan

 1

 Bigarren txandan obligatzen naiz

 bertso berriyak jartzia,

 eta gañera zer motibo dan

 garbiro esplikatzia,

 orretarako askida zure

 lanai erreperatzia,

 ayek jarrita nai alzenuen

 gu ixillik gelditzia?,

 aurreko aldiak erakutsi dit

 nola eraballi atzia.

 2

 Esaten nazu pena dezula

 ni zure kontra astia,

 bañan zedorrek jarri zenuen

 lendabiziko nastia,

 bestela askida zure lenengo

 bertso aldiya ekustia,

 egiya ez dana, libre dala uste

 aldezu erakustia,

 nola nai zendun tamaño orretan

 ordañak gabe uztia?

 3

 Zuk zertarako jarri zenitun

 lenengo aldiz bertsuak,

 nonbait farra egiñ zezaten goxo

 guregatikan batzuak,

 eta markatu zenitun garbi

 ayen orduko pausuak,

 zeñek epiñi zituen saltsak

 eta gañeko endreduak,

 esanez zapelzuritarren kulpaz

 galdu zirala fueruak?

 4

 Berriz ordañak zuri jartzia

 ez nuben bate pentsatzen,

 zergatik nere arrazoi aitaz

 ez dezun bueltik ematen,

 bañan jarri naiz errezelotan

 gañera konsideratzen,

 aldamenian bai otedezun

 ari zaizuna tentatzen,

 bestela nolaz asi zerade

 modu ortan gu mendratzen?

 5

 Nik zu ekusi, nai etzaitudala

 nondik atera dezu oi?,

 ori egiya ez dala garbi

 esango diyotet danoi,

 bertso berriyak jartzen denbora

 badaukazu eta sasoi,

 nere partetik para ziñezke

 gradu altuenetan goi,

 bañan ortako erreperatu

 zeñek daukagun arrazoi.

 6

 Nork esan dizu zure alderdiyan

 bakarrik dirala kontuak,

 eta ain gutxi gurian berriz

 danak dirala santuak?

 bañan mudatu ezkero ontan

 atera itzatzu kontuak,

 zeñek erreta kixkali ditun

 Eliz eta konbentuak,

 oik ez aldira gaisto aldetik

 datozen adelantuak.

 7

 Beartu gabe autan jartzia

 pena artzen dubela diyo,

 baña arrazoita erori zaitez

 pasiyo gabe seriyo,

 zergatik jarri zendun paperan

 egiñikan despreziyo,

 fueruak galdu zirala zapel

 zuri oriyen mediyo?

 ordañi-k etzun izango ayei

 pakian utzi baliyo.

 8

 Bukaerako esan biaizut

 orain nik, lagun, egiya,

 arrazoyari eman nai diyot

 tokatzen zayon sariya,

 alperrikanen luzatzia da

 klase ontako ariya,

 gañera berriz kondiziyo bat

 nola bai dagon jarriya,

 Politikako ez genduen guk

 atera «Berisolariya».

 9

 Eguzki-alden bizi naiz nire

 ezda leku apartia,

 eskerrikasko estimatzen det

 ortako borondatia,

 klase ortako anaitasunak

 ekarriko du pakia,

 oraiñ aurreko lanak baditut

 onekiñ errematia,

 osasunakiñ desio dizut

 luzaro bizi zaitia.