Baroja eta Etxabe-tar Estanislada-ri nere zorion eta opamena, bere eun urte dituan egunean

Zabaleta, Juan

 1

 Milla zortzireun igaro eta

 gañera ogeita amabiyan,

 mundu ontara sortu ziñaden

 Orri-illaren zazpiyan,

 ezta erreza nolanai jartzen

 eunki baten azpiyan,

 beste ainbeste opatzen dizuk

 Jaungoikuaren graziyan.

 2

 Zure inguru guziyetan gaur

 ageri da poztasuna,

 zergatikan dan oroitz eguna

 zuri ospatzen zaizuna,

 beñere baño alaitsuago

 arkitzen da Oyartzuna,

 bedeinkatua izan dedilla

 zu sortu ziñan eguna.

 3

 Gaur ekusten da eun urtetan

 zure doayezko griña,

 ta zeñek diyo Gurutzeari

 zuk beziñ naitasun fiña

 ondorenguai erakutsitzen

 sayatzen da alegiña

 nayago nuke beste eun urtian

 orla biziko baziña.

 4

 Albanezake zure kemena

 aundiya onela goitu,

 zeruko aita begira dago

 berak ekusiko ditu,

 oraindaño orrek bezela danak

 bide zuzenai jarritu,

 agertzen diran etsai gaistuak

 egiñ ditzagun garaitu.

 5

 Biyotza pozez saltoka dabill

 eziñ egon da geldirik;

 eun urteko amona-xar bat

 orren pizkor ekusirik,

 nere opamen txikiya onek

 eztu iñolaz neurririk,

 gure Jainkuak gordeko aldu

 urte askuan bizirik.

 6

 ¡Gora! Amona, eta gañera

 fameli agurgarriya,

 ¡gora! agintari prestuak eta

 ¡gora! Oyartzun-go erriya

 eun urteta iritxitzia

 ez alda gauz mirariya?

 danon artian bear bezela

 eman zayogun sariya.

 7

 Nai eta nayez arkitzen nitzan

 zerbait esan bearrian,

 ixillik nola egongo nitzan

 orlako egun ederrian,

 zori-onian ekusten zaitut

 nere begiyen aurrian,

 Amon oberik ezta izango

 Kantabriyako lurrian.

 8

 Gaur Oyartzuna arkitutzen da

 atsegiñez ta gozoro,

 nere omen au, txikiya bañan

 artu ezazu osoro,

 nere biotzen erditik amen

 garbi nai dizut oparo,

 ¡Agur! ¡Amona! osasunakiñ

 bizi zaitia luzaro.