Arrese'tar Emeterio jaunari Euzko-olerki egunean
Zabaleta, Juan
1
Bertso berri bi jartzera nua
barkatu bada gaitzikan,
ez derizkiyot izango danik
ofenditzeko itzikan,
zeruko Aitak ematen badit
lan ontako graziriyan,
ez det pensatzen olerkari bat
goratutzia baizikan.
2
Emeterio Arrese jauna
gaur zure omen aldiya,
juandan zenbat urte oyetan
etzera egon geldiya,
makiñatxobat olerki eder
orain artian jarriya,
aurrera ere jarraitutzeko
da nere opamen guziya.
3
Euskera garbiz zenbait bezela
ez naiz itzlari leguna,
bañan zorion... ¡asko!... gaur zuri
Arrese maixo on jauna,
azaldutzen det emen garbiro
ni dizudan naitasuna,
bedeinkatua izan dedilla
zu sortu ziñan eguna.
4
Seaskatikan artu zeniyon
naitasuna biyotzera,
ordu ezkero sayatu zera
izkuntza oni kontzera,
iya gaztiak mugi gaitezen
gure maisuen antzera;
jakin dezaten oraindik bizi
dala munduan Euskera.
5
Omen aldiyan merezi dezun
iztun-lari neurritsua,
txit idazlari gain gañekua,
garbi eta mamitsua,
izkuntz eder au ziñez maite dun
seme leyal ta zintzua,
gora biotzez ama Euskeran
olerkari jakintsua.
6
Ama Euskera orlako semez
ezinda beñere ase,
zeren pozkiro ekusten ditun
sayatutzen orrelaxe,
bertso onekiñ agurtzen dizut
zergatik dijuan luze,
urte askuan osasunakiñ
Emeterio Arrese.